تفاصيل مكالمة محمد صلاح لكندة علوش بعد إصابتها بمرض السرطان
حلت الفنانة كندة علوش ضيفة مع الإعلامية منى الشاذلي، في حلقة خاصة، تحدثت فيها عن دعم اللاعب المصري المحترف في ليفربول، محمد صلاح، بعد علمه بإصابتها بمرض السرطان.
صور نشرتها الفنانة على صفحتها بالفيسبوك - بدون كرديت
وكشفت النجمة كندة علوش عن تفاصيل مكالمة خاصة تلقتها من صلاح، خلال فترة علاجها، وقد ذكرت كندة أنها كانت برفقة عائلتها عندما تلقت المكالمة، حيث كانت المفاجأة كبيرة بالنسبة لها لأنها لم تكن تتوقع الاتصال.
كندة علوش قالت: "أنا مش عارفة هو عايزني أقولها في الإعلام ولا لأ، بس أنا مش هستشيره لازم أقولها عشان دي حاجة أنا سعيدة بيها جدا، عمرو يوسف كان قاعد وجاله مكالمة أثناء فترة مرضي، ولقيته بيقول (آه أزيك، آه طبعا إيه دا، حبيبي لا أنت حبيبي، يا محمد، آه هي كويسة)، ولقيته متحمس أوي، وأنا كنت مع العيال فكنت مش رامية ودن أوي، فبعد ما قفل بقول له (مين يا حبيبي)، قال لي (محمد صلاح)، قولت له (مين محمد صلاح)، قال لي (محمد صلاح)، قولت له (محمد صلاح مو صلاح؟)، قال لي (آه، عرف من أصدقاء مشتركين، إنك تعبانة، وجاب نمرتي)".
وتابعت كندة علوش: "إحنا من كبار محبيه، بس مكنتش في تواصل بينا، جاب النمرة واتصل بعمرو، وقال له أنا سمعت ومهنش علي، وعايز اقول لك ان بيتي موجود، عايزين تيجوا تكشفوا في لندن، عايزين تبعتوا لي الورق وأنا اخده عند دكاترة هنا، وقولت له (يا عمرو أنا مش مصدقة، إيه اللذاذة والحلاوة دي)".
وأضافت كندة: "وبعدها بفترة لقيت عمرو بيتكلم بنفس الحماسة وبينده لي، وأنا بمسك التليفون قال لي 'محمد صلاح'، قال لي طمنيني، قولت له: "أنا كويسة أوي كويسة جداً، ومبسوطة اني بسمع صوتك"، هو كان متفاجيء من نبرة صوتي، وقال لي: 'لكِ عائلة وبيت، ولو عزتي أي حاجة، وطمنيني وعايز اطمن عليكِ تاني واسمحي لي"، قلت له: "أنت عارف معزتك ايه.. هو إنسان حقيقي وبسيط ودور على نمرة ناس مايعرفهمش".
كانت كندة علوش قد أعلنت إصابتها بسرطان الثدي بعد إنجابها لابنها الثاني كريم بعد تسعة أشهر.
صور نشرتها الفنانة على صفحتها بالفيسبوك - بدون كرديت
صور نشرتها الفنانة على صفحتها بالفيسبوك - بدون كرديت
صور نشرتها الفنانة على صفحتها بالفيسبوك - بدون كرديت
من هنا وهناك
-
وفاء عامر تشوّق جمهورها لعملها المقبل بمنشور غامض
-
بشرى تحتفل بيوم ميلادها برسالة إلى نفسها !
-
هنا شيحة تكشف السبب الحقيقي لاعتذارها عن عدم العمل مع نجم مصري
-
سلمى أبو ضيف: ‘قصة الجزء الثاني من فيلم هيبتا تختلف عن الجزء الأول‘
-
منة شلبي تكشف موقفها من المشاركة في مسلسلات رمضان القادم
-
منى فاروق في المستشفى من جديد
-
أسماء جلال تردّ بغضب على منتقدي ملابسها وجرأتها
-
خالد سرحان يرفض التعاون مع أحمد العوضي بسبب ياسمين صبري
-
غادة عادل تكشف تفاصيل جديدة حول انفصالها عن مجدي الهواري
-
روبي وليامز يعلن إلغاء حفله في إسطنبول بسبب ‘مخاوف تتعلق بالسلامة‘ على خلفية الحرب في غزة
أرسل خبرا