شيرين عبد الوهاب تخرج عن صمتها: ‘حسام حبيب قلبه أسود‘
بعد حوال النصف عام على إنفصالهما، قررت الفنانة المصرية شيرين عبد الوهاب الخروج عن صمتها، والتكلم عن سبب خلافها مع زوجها السابق الفنان المصري حسام حبيب .
شيرين عبد الوهاب تفتح باب حياتها الخاصة مجددا أمام جمهورها
وقالت شيرين عبد الوهاب فاتحة النار على حسام حبيب: "أنا آسفة إني بتكلم فى موضوعي.. الناس والبلد عندها مشاكل وأنا حاسة إن موضوعي بوّخ.. أنا بتأسف على الكدب اللى كدبته عشان أخلي صورة إنسان تبقى كويسة، وأنا بالذات مش بحب الكذب، كذبت فى حاجات كتير قوي عشان أنا بنت أصول، وممكن يروح الإنسان ده يتجوز من عائلة تانية، وأنا بصراحة نفسي يتجوز ويغور ويبعد عني".
وأضافت شيرين: "عيالي 4 سنين شايفين الويل، سافرنا الساحل وبناتي نفسيتهم تعبانة، وماكناش عايشين وماكنوش يعرفوا إنى عايشة مع زوج مابيشتغلش تقريبا، وكنت محبوسة 24 ساعة فى أوضة نومي ومبعملش حاجة، أنا غلط في شيرين عبد الوهاب.. وأنا إنسانة بحافظ على بيتي ولكن مكنش بيت كانت مصيدة فيران. كل خناقة تحصل ما بينا يحرق دمي لحد ما أمسك المكنة وأحلق شعري.. وطلعت غنيت عشان بناتي مايتعقدوش وحسستهم إنه نيو لوك وعملت حفلة.. ولما رجعنا لبعض تاني رجعوا تاني البنات يشوفوا إنه بيتدخل فى كل شيء وإنه إنسان معندهوش شغل وكرهني في بناتي، حاولنا نرجع لبعض وقالوا إن حسام كتف شيرين وحلق لها شعرها.. وقولت فى آخر المكالمة كنت بحبه عشان أرحمه من كلام الناس، ولكن هو فعلا اللي حلق لى شعري.. وشوفت أيام سود معاه".
وأكملت قائلة: "كنت بحاول أجمّل صورة حسام، ولكن الناس عارفين كل حاجة، وعمالة أجمّل وأقول كلام كذب والناس أذكية جدا، كنت عايشة مع راجل مبيشتغلش ومش بيروح لأهله، إنسان مؤذي جدا وخسرني كل الناس خسرني أمي وأبويا والسواق والشغالة. هو اللي وصلني اني احلق شعري ولما كنا في الفورسيزون وزعلانه منه فجه صالحني بعدها اتخانقنا وقولتله امشي قالي لا انتي هتنزلي معايا دلوقت للمأذون قولتله يعني انا ابقا شيرين عبد الوهاب وعايز تجرني تنزلني بقميص نومي عشان توديني اتطلق؟"
كلام شيرين عبد الوهاب هذا جاء خلال مداخلة هاتفية لها مع الإعلامية لميس الحديدى عبر برنامجها "كلمة أخيرة" عبر قناة "أون" المصرية.
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
صورة نشرتها الفنانة شيرين عبد الوهاب على صفحتها انستغرام،
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
صورة نشرتها الفنانة شيرين عبد الوهاب على صفحتها انستغرام، تصوير: @tonyelmendelek
صورة نشرتها الفنانة شيرين عبد الوهاب على صفحتها انستغرام، تصوير: بدون كريدت
من هنا وهناك
-
وفاء عامر تشوّق جمهورها لعملها المقبل بمنشور غامض
-
بشرى تحتفل بيوم ميلادها برسالة إلى نفسها !
-
هنا شيحة تكشف السبب الحقيقي لاعتذارها عن عدم العمل مع نجم مصري
-
سلمى أبو ضيف: ‘قصة الجزء الثاني من فيلم هيبتا تختلف عن الجزء الأول‘
-
منة شلبي تكشف موقفها من المشاركة في مسلسلات رمضان القادم
-
منى فاروق في المستشفى من جديد
-
أسماء جلال تردّ بغضب على منتقدي ملابسها وجرأتها
-
خالد سرحان يرفض التعاون مع أحمد العوضي بسبب ياسمين صبري
-
غادة عادل تكشف تفاصيل جديدة حول انفصالها عن مجدي الهواري
-
روبي وليامز يعلن إلغاء حفله في إسطنبول بسبب ‘مخاوف تتعلق بالسلامة‘ على خلفية الحرب في غزة
أرسل خبرا