وأكد الصغير في بيان دعمه الكامل لبوسي، واعتذاره عن أي إساءة أو سوء تفاهم حدث بينهما في السابق، حيث قال: "أنا بعتذرلك قدّام الناس كلها، لو كنت غلطت أو زعّلتك، اعتبريها غلطة، وأنا اللي بقولك ده قدّام الجميع، أنا ما قصدتش أشهّر بوالدك رحمه الله أو أعمل تريند، أنا فعلاً كنت بحاول أعمل خير". وأضاف: "أنا بشهد قدّام الكل إنك إنسانة طيبة ومحترمة، بوسي مش مجرد زميلة، دي أختي واتربّينا سوا. وبقولّها دلوقتي من قلبي: إنتِ صوت مصر وأحسن صوت شعبي، وده مش كلام جديد، أنا كنت بقول كده دايماً حتى قبل أي خلاف".

وأوضح سعد الصغير أنه لا يمكن أن يشمت بأي أزمة تخص بوسي كما يردّد البعض، قائلاً: "الحمد لله ربنا عدّى أزمة بوسي على خير، وهي إنسانة طيبة تستاهل كل حاجة حلوة. أنا كلّمت ناس عشان أكون جنبها، وربنا يخليها لابنها ويرزقها راحة البال".

وأكد الصغير أنه كان سبباً في تقديم بوسي لأغنية "آه يا دنيا" مع الملحن محمد عبد المنعم، قائلاً: "أنا سبب معرفتها بمحمد عبد المنعم وتقديم أغنية "آه يا دنيا" اللي تركت بصمة كبيرة في مشوارها، ولولا الأغنية مكنش هيبقى في بوسي، وربّنا جعلني سبب. كمان كنت دايماً بحلّ مشاكلها وواقف جنبها".

يُذكر أن العلاقة بين سعد الصغير وبوسي شهدت توتراً خلال الفترة الماضية، إلا أن رسالته الأخيرة جاءت لتفتح صفحة جديدة بينهما، وتعكس حرصه على إنهاء خلافاتهما ودعمه لها في أزمتها الأخيرة.

صورة نشرتها الفنانة على صفحتها بالانستجرام - Photo: @ibrahim_el_atta

 صورة نشرتها الفنانة على صفحتها بالانستجرام - Photo: @ibrahim_el_atta

تابعونا لتصلكم الاخبار أولا بأول :
بانيت بالتلغرام >>https://t.me/panetbanet
للإنضمام لأخبار بانيت عبر واتساب >> https://whatsapp.com/channel/0029VbArrqo9hXF3VSkbBg1A
للإنضمام لأخبار بانيت بالإنستغرام >>https://www.instagram.com/reel/DO8QWtMjFkR/?igsh=MXVvZzVhemN6bGNldA==